කළමනාකරණ ප්‍රතිසංස්කරණ අමාත්‍ය නවීන් දිසානායක් මැතිතුමා 2011-05-13 දින, හෙක්ටර් කොබ්බැකඩුව ගොවි කටයුතු පර්යේෂණ ආයතනයේ පැවති සම්මන්ත්‍රණයේදී කරන ලද කතාව

2011 ජුනි මස 01 දින

කළමනාකරණ ප්‍රතිසංස්කරණ ගරු අමාත්‍ය  නවීන් දිසානායක මැතිතුමා පෙන්වා දෙන්නේ, මහජනතාවට වඩාත් කාර්යක්ෂම සේවයක් සැලසෙන පරිදි සහ රටේ අවශ්‍යතාවයට සරිලන පරිදි, රාජ්‍ය සේවය අනිවාර්යෙන්ම ප්‍රතිව්‍යුහගත විය යුතු බවයි.  අමාත්‍යවරයා මෙසේ සඳහන් කළේ, සේවා ව්‍යවස්ථා සහ බඳවා ගැනීමේ පටිපාටි සංශෝධනයට අදල ප්‍රගතිය වාර්තා කිරීම පිණිස අමාත්‍යාංශ වලින් නම් කරන ලද සම්බන්ධීකරණ නිලධාරීන් සහභාගි වු සම්මන්ත්‍රණයක් අමතමිනි.  එම සමුළුව 2011- 05-13 දින කොළඹ 07 විජේරාම මාවතේ පිහිටි හෙක්ටර් කොබ්බැකඩුව ගොවි කටයුතු පර්යේෂණ හා පුහුණු ආයතනයේ (HARTI) දී පැවැත්විණ.

 

තවදුරටත් කතා කළ අමාත්‍යවරයා පෙන්වා දුන්නේ, රාජ්‍ය සේවය පිළිබඳව විවිධ පුද්ගලයන් මේ දිනවල එකිනෙකට පරස්පර වීරෝධී ප්‍රකාශයන් සිදු කරමින් සිටින බවත්, එබැවින් අප අපගෙන්ම විමසා බැලිය යුතු පැනය වන්නේ රාජ්‍ය සේවය කෙතරම් දුරට කාර්යක්ෂම ද යන්න බවත්ය.  

 

‘‘රාජ්‍ය සේවය තුළ උපරිම සේවය සැලසෙන තත්වයකට පත් කිරීමට නම්,  එය මහින්ද චින්තන ඉදිරි දැක්මේ දැක්වා ඇති ආකාරයට කාර්යක්ෂමතාව ඉහළ නංවා  ගැනීමට කටයුතු කළ යුතු බවට කිසිදු විවාදවක් නැත.  මහින්ද චින්තන ඉදිරි දැක්මේ දැක්වෙන ආර්ථික ඉලක්කයන් කරා අපට එළඹිය හැක්කේ එවිට පමණි.  ඒ සඳහා ඔබගේ සහාය ලැබෙන්නේ නම් අපට එය වඩාත් පහසුවෙන් කළ හැකිය’’.

 

‘‘අප අමාත්‍යාංශය රාජ්‍ය කළමනාකරණ කාර්ය ප්‍රතිසංස්කරණ කිරීම වෙනුවෙන් මෑත කාලයේ දී පිහිට වු එකක්, අප සැමගේ සාමුහික ප්‍රයත්නයේ ප්‍රතිඵලය දෙස ජනාධිපති තුමන් ඉතා උනන්දුවෙන් බලා සිටිනවා.  රාජ්‍ය සේවය පිළිබඳව 06/2006  චක්‍රලේඛය මේ වන විට නිකුත් වී තිබෙනවා.  එහිදි, අප මුලිකව පවත්නා අඩුලුහුඬුකම් සහ දුෂ්කරතා හඳුනා ගනිමින් සිටිනවා’’.  ඔහු වැඩිදුරටත් සඳහන් කළේ රාජ්‍ය සේවය තුළ අත්‍යවශ්‍ය වෙනස්කම් සිදු කිරීම පිණිස අප කැපවිය යුතු බවත්ය.

 

සාධනීය වෙනස්කමක් හඳුන්වා දුන් සෑම විටම, වෘත්තීය සමිති එයට විවිධ චෝදනා එල්ල කිරීම සාමාන්‍ය දෙයක්.  නමුත් ඉලක්ක ජය ගැනීමේ දී යථාර්ථවාදීව  ඒ අභියෝගයට මුහුණ දීම සහ ඒවාට  අභියෝග කිරීම හැර වෙනත් පහසු මාර්ගයක් නොමැත. මන්දයත්, ලොව බෝහෝ රටවල් තම රාජ්‍ය සේවය තමන්ට ගැලපෙන පරිදි ප්‍රතිව්‍යුහගතකර වෙනස් කොට  ගෙන තිබේ.  ඒ නිසා අපට ද කෙටි මාර්ග හෝ ව්‍යාජ හේතු ඉදිරිපත් කිරීමෙන් තොරව එබඳු මගක් අනුගමනය කිරීමට සිදුව තිබේ.

 

01 02 03

Copyright © 2012 Ministry of Public Management Reforms. All Rights Reserved      

Solution by : Lankacom